[A:133a] de'i bla ma rnams kyang zhing 'di dang 'di na bzhugs pa'i lo rgyus sogs dang / gzhan yang lung bstan ngo mtshar can mang du brnyes 'dug cing / yang skabs der sgo rum du gur gyi mgon po lha lnga'i dbang bzhi yongs rdzogs sindhu ra'i dkyil 'khor la brten pa thun mong ma yin pa de gnang ba'i tshe/ gtor dbang bka' bsgo mdzad pa na/ bse mgon chen po'i phyag g.yas pa dang / kho bo'i lag pa sbrel gsungs nas de bzhin du byas pa la/ rje nyid bskyed rim shin tu gsal ba'i ngang nas spyan gnyis nyi zla lta bu'i mig gis 'cham mgon dang bdag cag la yang yang gzigs shing / bstan par dgongs pa'i thugs bskyed drag po dang bcas gsung shugs mthon pos bla ma brgyud pa lugs srol mang po'i mtshan nas brjod cing bka' bsgo drag tu