[A:132b]phul bas thus pa 'dug ces zhal bzhes bka' drin bskyangs nas/ thog mar 'di skor gyi dbang dang rjes gnang rnams stsal dus/ phyi'i las mkhan gcer bu zangs gri can gyi rjes gnang gi skabs/ nam mkha' shin tu dwangs shing gzim khang gi steng du chu pho ba sogs kyi rkyen gang yang med pa la/ rjes gnang gi mchod bshom gyi stegs kyi steng du gdung mtshams nas brdol ba lta bu'i chu rgyun dri ma med pa bum gang tsam zhig rjes gnang gnang bar la babs byung bas der yod thams cad ngo mtshar du gyur cing / rang gi bsam pa la rje 'di la chos skyong 'di skor gyi byin rlabs kyi chu rgyun khyad par can zhig bzhugs pa'i ngo mtshar ba'i rtags su 'dug snyam pa byung zhing / yang de dus nang so pu tra khang du dmigs yul zhig la ched gtad las sbyor gyi sku mtshams zhag 'ga' mdzad pa na/ nub gcig mnal lam gyi tshul du las mkhan chen po nyid 'brog pa khyi ra ba'i tshul du sprul nas byung ste/ de na re/ dmigs yul la rtags myur du 'byung ba dang / rje nyid rgyal sras thogs med pa'i sku'i skye ba yin tshul/