[A:132a]du 'bral med du gzigs pa byung zhes rje nyid kyi gsung las dngos su thos pas mtshon te shes la/ gzhan yang rje 'di la gnyan mgon chen po shin tu 'ches pa'i mtshan ma 'ga' zhig kho bo la yang shar mod kyis 'dir ma spros so/ /yang sprul pa'i sku lo nas spyan snga rin po che kun dga'i mtshan can la yang bka' srung rnams kyis zhal bstan cing 'phrin las bsgrubs pa'i tshul ni/ rje nyid gdan sa chen por thog mar phebs dus/ bdag cag gis chos skyong gi chos skor rnams gsol ba btab pa'i tshe/ de'i nub mo mnal lam gyi tshul du sprin nag rab tu 'khrugs pa'i dbus su gur gyi mgon po lha brgyad yongs rdzogs sprul pa'i pho nya rnams dang bcas pa yang yang du gzigs pa zhig byung bas/ nangs par nyid kyi gsung las/ nged la rmi lam 'di bzhin byung bas gser kha bdag po'i dper 'dug pa bzhin/ da lam mgon po'i chos skor rnams cis kyang