[A:131b]nas bzhugs pa de'i phyir de nyid kyi ngo mtshar ba'i rnam thar gyi cha shas phyogs re tsam yang bskal brgya'i bar du brjod par ga la nus/ 'on kyang rang gi blo nus dang 'tshams par spros pa'i rgyas pa'i phyogs rnams shes par 'dod na/ kho bos logs su byas pa'i rje 'di'i rnam par thar pa rnams su blta bar byos shig yang bdag gi 'dren pa rje btsun dbang phyug rab brtan de nyid kyang / rgyun du thugs dam la shin tu brtson pas nyams dang rtogs pa'i mnga' bdag tu gyur cing khyad par chos skyong rnams kyis zhal ston pa dang / las mdzad par gdon mi za ste/ rje nyid sa skyar phebs pa'i tshe yang / gdan sa chen po gzigs pa nas bla brang sgo sper ma phebs kyi bar la dpal mgon bram ze'i gzugs can sku mdog dkar po/ phyag g.yas na rtse gsum dang / g.yon na thod pa bsnams pa/ sku tshad thog dpang gsum tsam yod pa yum chen bzhi dang bcas pa zhig gar stabs kyi ling ling 'byon pa spyan lam