[A:131a]ma gtogs/ gzhan smon lam log pa sogs kyi mtshams sbyor las byung ba'i 'byung po rnams ni stobs ji ltar che yang rang rang gi 'phen byed rdzogs byed kyi las ji tsam yod pa de rdzogs pa dang / rkyen dge ba'i bshes gnyen sogs kyi byin rlabs la brten tshe 'phos te mtho ris kyi lus rten sogs su skye ba chos nyid yin pas/ des na jo bo shar par grags pa de yang / rje 'di'i byin rlabs dang las 'brel smon lam gyi dbang zhig gis skabs der tshe 'phos par sems la/ ci ste der skabs kyi 'byung po de dngos ma yin yang / de'i 'khor du gtogs pa'i gdug pa can 'jig rten ma rungs par byed pa'i stobs ldan gyi 'byung po zhig yin par gdon mi za bas/ gang ltar shin tu ngo mtshar ba'i gnas su shes par bya zhing / don du na bdag cag gi yongs 'dzin rje btsun mus pa chen po 'di ni/ dus gsum gyi rgyal ba kun gyi spyi gzugs dam pa 'khor 'das brtan g.yo kun gyi bdag por gdod ma