[A:128a]bskyabs pa sogs chos skyong 'di rnams byin rlabs dang mthu rtsal gzhan las mchog tu che ba yin no/ /zhes bstod bkur bsngags gsum du ma mdzad pa yin la/ gzhan yang bsam gtan phur bzhugs pa'i dus shig chos skyong gi sprul pa a tsa ra'i cha lugs can 'ga' zhig bro byed pa mngon sum du gzigs nas/ rje nyid kyang thugs nyams 'ur te de rnams dang lhan cig tu bro mdzad nas gzim phug tu byon te/ da res kyi chos skyong gi sprul pa de rnams e 'dug gzigs pas/ de nas kyang gzim phug gi 'gag de ka na 'dug ces gsungs shing / de rnams ye shes kyi mgon po phyag drug pa'i 'khor du 'dug gsungs la/ yang gsung las/ nged la lung bstan phal cher ye shes kyi mgon po 'dis byed kyin 'dug ces kyang dad ldan gyi bu slob 'ga' zhig la gsungs pa las brgyud de thos so/ /tshul 'di ni rje bla ma 'di zab lam nai gu chos drug gi