[A:127b]yab sras sogs skyes bu dam pa 'ga' zhig la byung bar grags kyi/ gzhan tshe gang drag sngags kho na 'dren pa la nan tan du byas pa'i mthu rtsal chen por rlom zhing grags pa phal cher la 'di lta bu byung ba mthong ba'am thos pa med/ yang snga gong gi dus shig rje nyid kyis/ 'jam dbyangs dkon mchog rgya mtsho'i bka' bzhin thub bstan du rje byams pa rab brtan pa'i drung du mgon po'i chos skor rnams gsan par phebs dus bar lam kun la chos skyong gi sprul pa bya nag gnyis kyis skyel bsu kho na byed pa yang byung zhes thos la/ yang dus der chom po 'ga' zhig rje dpon slob rnams bsgugs sdod byas pa mkhyen nas/ rje 'di chos skyong la gtor 'bul 'phrin bcol mdzad nas byon pas/ chom po rnams grog gting du bza' btung bya ba'i bar la rje dpon slob rnams nyes med du phebs pas phyis rje'i gsung gis/ nged la'ang gtor 'bul tsam byas pas/ chom po'i 'jigs pa las dngos su