[A:128b]yang nyams rtogs kyi mnga' bdag chen por bzhugs pas na/ de'i chos skyong gis 'phrin las bsgrubs pa'i mtshan mar snang la/ gzhan yang chos skyong rnams la bka' bsgo mdzad pa'i nus pas 'byung po gdug pa can gnas spar ba'i tshul ni/ gdan sa chen por phebs pa'i skabs shig yab rje chos kyi rgyal po'i gsol dpon zhig la rkang pa na ba'i rkyen gyis mkhas btsun bzang gsum sus kyang 'dul bar ma nus pa'i jo bo shar par grags pa'i stobs ldan gyi 'byung po de gnod pas shin tu nyen par gyur pa na/ sngags 'chang grags pa'i mtshan can gyi gsung gis/ khyed rang rje mus pa 'di la gegs sel byin rlabs shig zhus na legs par 'dug pa'i lung bstan stsal par brten/ gsol dpon ma bu gnyis rje 'di'i drung du byung ba'i tshe gdon gyi skyon yin pa mkhyen nas/ bla ma brgyud pa'i byin rlabs shig mdzad pa'i kun bzang chos kyi nyi ma zhes mtshan brjod pas/ ma chen nad pa de dran