[A:110a]ba ste/ /de ltar mi byed de yi ni/ /dam tshig nges par nyams par 'gyur/ /zhes gsungs pa dang / mdo las kyang / ded dpon snying rje chen pos tshong ba lnga brgya'i srog bskyabs pa'i phyir du/ mi nag mdung thung can la kho rang gi lag gi mdung bsnun te bsad pa lta bu dang / bod kyi bstan pa snga dar dang phyi dar gyi mtshams der lha lung dpal gyi rdo rjes/ rgyal po sdig can mtshon bsnun nas bsad pa sogs mdor na sprul pa'i skyes mchog rnams kyis bstan pa dang sems can gyi don rgya chen po bsgrub pa'i phyir bdud rigs gdug can rnams thabs sna tshogs kyi sgo nas bsgral te mi dge ba spyod pa'i rgyun dang / ma 'ongs pa ngan song gi srid par skye ba len pa'i las rgyun gnyis dus gcig tu bcad de mtho ris dang thar pa'i gnas su 'dren par mdzad pa 'di ni gzhan las ngo mtshar mchog tu gyur pa'i rnam par thar pa yin gyi/ de lta bu bsgrub pa'i nus pa dang mi ldan pa rnams ni de dag mos pa tsam du zad pa'i phyir ro/ /de lta bu'i