[A:110b]'gran bral gyi skyes bu sngags 'chang chos kyi rgyal po de nyid kyi chos dang rigs las 'khrungs pa'i thugs sras kun gyi gtsug rgyan/ bdag cag gi 'dren pa dam pa rigs ldan chos kyi rgyal po sku mched zhal rnam pa gnyis kyi ngo mtshar ba'i rnam thar rgyas pa ni kho bos logs su byas pa las rtogs par bya zhing / 'dir skabs su babs pa sa skya pa'i bka' srung dbang po rnams la mnga' brnyes pa'i tshul cung zad tsam spel na/ de yang gcen 'jam pa'i dbyangs bsod nams dbang po ni/ yum gyi mngal du byon pa tsam nas bzung / bstan srung rnams 'bral med du 'khor ba zhig ste/ de dus yum la nyin mtshan kun tu chos skyong gur zhal gnyis 'bral med du gnas pa yin snyam pa'i 'jigs ngam ngam pa dang / dga' yal le ba rgyun du byung bar grags pa thos shing / bltams nas kyang sku na shin tu phra ba'i dus su zhabs skyil krung dang / phyag gnyis thugs kar chos 'chad kyi phyag rgya mdzad de bzhugs pa sngags 'chang chos kyi rgyal pos