[A:109b]chos skyong ba'i srung ma'i tshogs bsam gyis mi khyab pa zhig gsungs shing / de dag dang 'brel ba'i drag po mngon spyod kyi las tshogs kyang grangs dang tshad med pa zhig gsungs pa yin pas/ de na blo dang ldan zhing bsnyen sgrub las gsum mthar phyin pa'i skyes bu dam pa rnams kyis bstan pa bstan 'dzin dang bcas pa la gnod par byed pa'i las ngan can rnams la dngos su mtshon bsnun pa la sogs pa dang / gzhan yang sngags kyi las sbyor dang / mnan pa dang / bskrad pa dang / bsad pa la sogs pa'i 'khrul 'khor dang / ngan sngags dang / sman gyi sbyor ba la sogs pa dag gis kyang gdug pa can rnams tshar gcod par bya dgos pa yin te/ gshin rje gdong drug gi rgyud las/ blo ldan bsgrub pos sems can la/ /phan pa'i bsam pas srog mi bcad/ /ces gsungs pa'i rjes su/ gdug pa can la ldog ste bya/ /dngos su 'am yang na sngags dang gzhan/ /'khrul 'khor dang ni ting nge 'dzin/ /sman gyis kyang ni bya