[A:109a]las kyang / gdug la byams pa nyid mi bya/ /zhes gsungs pa ltar/ bla ma dang sangs rgyas kyi bstan pa la gnod pa'i gdug can rnams mngon spyod kyi las kyis bsgral bar ma byas na/ rig pa 'dzin pa'i dam tshig kyang nyams par 'gyur bar gsungs pa yin te/ gsang sngags snga 'gyur ba rnams kyi rgyud dag las kyang / nyams pa dus su mi sgrol ba/ /de yang dam tshig nyams pa yin/ /zhes dang / gzhan yang gsang sngags gsar 'gyur ba la grags pa'i rtsa ltung bcu bzhi pa'i gzhung las kyang / gdug la rtag tu byams ldan pa/ /byed pa de ni bcu par 'dod/ /ces gsungs so/ /des na sangs rgyas kyi bstan pa dang / bstan 'dzin gyi skyes bu dam pa rnams la bdud dang mu stegs la sogs pa nag phyogs la dga' ba rnams kyis bar chad byed par sangs rgyas rang nyid kyis gsungs shing / de dag bzlog cing gzhom par byed pa'i thabs kyang rdo rje 'chang nyid kyis rgyud sde rin po che dri ma med pa rnams las