[A:108b]'brog ris thams cad rims nad kyis gtan brlag tu song ba yin no zhes thos la/ mdor na bdag nyid chen po 'di nyid la bsam sbyor ngan par byas pa'i dpon rigs che phra sogs bdud kyi rigs de thams cad la la rtsa ba nas stong pa dang / kha cig stobs shed nyams pa sogs rtags dang mtshan mas kun la khyab ste/ rang rang gis byas pa'i las kyi rnam par smin pa rang thog tu smin te snang tshul 'di bzhin du gyur pa rgyal khams kyi skye bo yongs kyi mngon sum gyi spyod yul du grub pa 'di nyid do/ /de ltar sangs rgyas bstan pa la gnod par byed pa'i gdug pa can rnams drag po mngon spyod kyi las kyis tshar gcod par mdzad pa 'di dag ni gzhan las ches rmad du byung ba'i rnam par thar ba ste/ ji skad du rtsa rgyud brtag pa gnyis pa las/ bstan la gnod par byed pa dang / /bla ma sangs rgyas 'jig pa nyid/ /bla ma thub pa la zhus nas/ /snying rjes gsad par bya ba nyid/ /ces gsungs shing rdo rje gur