[A:57a] par can 'di yang de dus gsung rtsom mdzad pa yin la/ yang lha mo 'dod khams dbang phyug ma la las bcol nas/ bla ma'i sku dgra myur du sgrol bar mdzad pa'i tshul ni/ rje nyid kyis mdzad pa'i de'i chos skor gyi dkar chag las 'di ltar 'byung ste/ 'di'i chos skor zhu ba kho bos rje btsun rdo ring pa chen pos gtso mdzad bla ma dam pa bcu phrag gcig la gur gyi mgon po lcam dral 'khor dang bcas pa'i chos skor mtha' dag yongs su rdzogs par thob/ khyad par dpal ldan 'dod khams dbang phyug ma 'di nyid kyi sgos sgrub/ tshogs bdag ltar bsgrub pa/ bka' sdod ltar bsgrub pa/ phyi pa ltar bsgrub pa/ nang pa ltar bsgrub pa la sogs pa ma lus pa thob kyang / sa skya pa'i lugs la lha mo 'di'i rjes gnang sbags sgrub kyi khongs su mdzad pa 'di ka ma gtogs zur bka' mdzad pa'i srol mi 'dug pa dang / dam