[A:66b] bshad yod pa 'dra/ pu tra 'di cung zad mi dgyes pa'i tshul ston pa zhig 'dug pas rtsub 'gyur 'dra byung dogs 'dug go gsungs pas/ lam bar du chibs pa g.yang la lhungs nas/ rje nyid kyi sku la skyon med pa grog khar bzhugs shing / grog gting gi rdo zhig la chibs pa'i rmig rjes byung bas/ de dus kyi slob ma rnams grub rtags 'jog pa'i snyad kyis de bzhin du bstan par 'dug zer bar byung zhing / slar bskang bshags rgyas par mdzad pas/ las mkhan chen po thugs rab tu dgyes pa'i rtags khyad par can brnyes pa dang / yang lan gcig skyed lhas kyi sum cu rtsa gsum du dmigs yul zhig la ched du gtad nas rje rdo rje 'chang gi man ngag g.yul las rnam rgyal bzhin gyi las sbyor mdzad pas/ zhag 'ga' nas bsgral bya de pu tras dngos su khrid byung ste/ las 'di bzhin bsgrubs yod pas/ gtang rag tu bskang gso zhig 'phral du gyis zer byung bas/ pu tra'i sgos kyi bskang gso khyad