[A:67b] pa'i bsgrub yig tu yum 'khor dang bcas pa bsgrub par bshad pa la'ang ngos 'dzin gsal ba zhig mi 'dug pas/ 'di rnams rtogs par 'dod nas bod na bzhugs pa'i gsang sngags gsar rnying gi lha mo'i sgrub thabs ji snyed gcig zhus shing / yi ge mtha' dag la brtags pas/ dmag zor rgyal mo dang / lcags phur ma la sogs pa rnams ni khol mo re ma ti'i rigs su 'dug cing / rje mo re ma ti la'ang brgyud pa so so las 'ongs pa'i rigs mi 'dra ba mang du 'dug pa'i nang nas/ rngog lugs kyi dud sol ma phyi sgrub kyi rgya gzhung bram ze mchog sred kyis mdzad pa 'di dang / sa skya pa'i lugs kyi lha mo phyi pa mu stegs ltar bsgrub pa'i rgya gzhung bram ze mchog sred kyis mdzad pa 'di gnyis la khyad par cung zad kyang mi 'dug cing / de bzhin du rngog lugs kyi 'grel pa zhal gdams mar grags pa dang / sa skya pa'i lha mo'i yig chung yid bzhin nor bur grags pa'ang bris bshus