[A:42b] bod 'dir zhang sna nam rdo rje bdud 'joms su sku skye ba bzhes par rdo rje bdud 'joms kyi rnam thar las gsal zhing / de nyid zhing 'dir rje 'di nyid du gyur par u rgyan rin po ches/ da lta'i dus kyi rdo rje bdud 'joms ni/ /ma 'ongs tshe lo lnga bcu kha ral dus/ /dbus gtsang mtshams su sde dpon tshul bzung nas/ /kun dga'i ming can rdo rje 'dzin par 'gyur/ /zhes lung bstan cing / de nyid rdo rje phur pa'i grub thob tu nges pa las de dang mthun par 'dren pa 'dis phur pa'i grub rtags dngos su bzhag cing / de'i phyag len dbus gtsang khams sogs su dar zhing rgyas par mdzad pas so/ /yang bar skabs su/ bla ma gnam kha'u pa'i sku'i sprul par yang grags te/ sdom brtson rdo rje 'dzin pa chen po mus pa rnam rgyal bzang po zhes bya ba sngar nas yi dam chos skyong la bsnyen sgrub tshad du 'khyol ba'i sngags 'chang chen por gyur kyang / slad nas gnyan mgon zhal bzhi pa'i sgrub skor la ched du thugs 'dun pas/