[A:43a] de dag zhu ba'i bla ma gang bzang dmod bor te chos skyong la gsol ba btab dus rmi lam du a tsa ra sngon po zhig byung nas khyod 'dod pa'i chos de bla ma gnam kha'u pa phang na yod pas der zhus zer chos sde'i rgyab ri 'di bstan byung / de la bltas pas rgyab ri bya rog lding pa lta bur mthong zhing / sad pa na nges pa brtan po rnyed de/ rje 'di nyid kyi zhabs drung du byon nas chos skyong skor gyi sgrub skor cha lag dang bcas pa ma tshang ba med pa gsan pa yin no/ /yang rjes su chos kyi rje dpal ldan bla ma dam pa'i sku'i skye ba yin par gsal te/ de nyid kyi bka' tha mar/ bdag 'di nas 'phos te u rgyan gyi yul du skye ba gcig de nas bod 'dir skye ba blangs te bstan pa'i bya ba lhag ma rnams bgyid ces stsal pa dang / de dang mthun par bsam yas su sku gdung zhugs la phul dus 'od kyi gong bu zhig sgra dang bcas te gong dkar phyogs su song zer ba chos rje bla ma nyid kyi rnam thar na