[A:42a] mtha' yas par 'bad med lhun grub tu 'gro don mdzad par nges te/ de yang sngon rgyal po bzang po mchog ces pa'i skyed mos tshal du padma'i sdong po lba ba lnga yod pa/ dbus sngo/ shar dkar/ lho ser/ nub dmar/ byang ljang ba/ kha phye ba na khye'u kha dog padma dang mthun pa lnga 'khrungs/ de ni thod 'phreng rtsal rigs lnga yin zhing / de dag gis sangs rgyas kyi sngags kyi bstan pa gar khyab tu sku'i sprul pas khyab cing / zhing rgyas dbang drag gi 'phrin las gsang sngags kyi bstan pa 'dzin par zhal gyis bzhes shing dam bcas pas na rje 'di gu ru thod phreng rtsal gyi sprul pa yin par nges te/ thub pa'i bstan pa 'jig tu nye ba'i dus 'dir/ spyir mdo sngags kyi bstan pa/ khyad par sngags kyi bstan pa rnam par dag pa 'dzin skyong spel bar mdzad pa la bka' drin mchog tu che bar byung bas so/ /sngon 'phags yul rig 'dzin shrI singha zhes par sprul te/ de nyid