[A:174b]spyod du 'byon par bskul ba na/ bdag la ltos pa'i 'gro ba mang du yod pas mi 'gro zhus pa dang / gzhan yang srid pa'i rgya mtsho las 'gro ba mang po sgrol ba'i mtshan ltas la sogs pa mnal lam gyi rnam par thar pa yang bsam gyis mi khyab pa la sogs pa rnam par dkar ba'i mdzad 'phrin mtha' yas pa'i ngang nas dgung lo bdun cu pa me pho byi ba'i dbo zla'i tshes bcu gnyis la kho bo 'di nas bde ba can dang / de nas gser mdog can du 'khor los bsgyur ba'i cha byad kyis zhing sbyongs/ lus gsum pa la lus de nyid kyis phyag rgya chen po 'grub bo zhes gsungs nas gshegs so/ /bla ma 'di nyid 'khrungs pa'i sa yang sgo rum ye shes mgon po bzhugs pa'i mgon khang gi mdor 'khrungs shing / gshegs pa yang de nyid du mdzad pas/ thog mar skye sa'i sa der mya ngan las 'da' mkhan kho bo tsam yin zhes kyang gsungs par grags/ de lta bu'i gangs khrod kyi rdo rje 'dzin pa kun gyi gtsug rgyan/ dpa' bo