[A:174a]bya rnams la nyin mtshan kun tu zab pa dang rgya che ba'i chos 'khor bskor cing / dngos brgyud mtha' dag gi ched du legs bshad mtha' yas pa brtsams te/ mdor na bla ma'i mos gus thugs dam thos bsam/ gzhan phan lhag bsam rnams nyin bar shugs shin tu che bas/ mtshan mo mnal lam du yang mtshan brjod la sogs pa'i zhal 'don thugs dam mang po dang / gzigs rtog dang rtog dpyod mtha' yas pa 'byung zhing / sa chen gyi thugs ka nas bla ma 'khor bcas/ kyai rdor gyi dkyil 'khor ston pa shAkya thub pa 'khor bcas sprul nas/ khyod dbang zhu na su la zhu/ rab byung len na su la len 'doms shig ces gsungs pa la/ de thams cad bla ma rje btsun khyed rang nyid la zhu ba lags/ zhes zhus pas dgyes nas dbugs dbyung / khyad par chos thams cad gnad bsdus pa'i tshigs bcad gnang / lha rnams kyis bde ba can dang mkha'