[A:175a]mkha' 'gro dam can srung ma/ lha klu gnod sbyin sogs gzugs med thams cad bran bzhin du 'khol ba'i mthu stobs kyi dbang phyug rje btsun chen po de nyid kyi drung du/ sa skya pa'i chos skyong rnams kyi man ngag gi chos skor yongs su rdzogs pa chos rje sa paN nyid kyis gsan pa yin te/ 'di'i rnam thar bsdus te brjod na/ de yang mkhyen brtse 'phrin las gsum gyi sgo nas rtogs par bya ste/ mkhyen pa la rang gis sbyangs pa dang / gzhan la bstan pa'o/ /dang po ni/ klu'i rgyal pos yum la gnas khang g.yar ba'i tshul gyis bsam bzhin du mngal bzung nas/ dge byed ces bya ba chu pho stag gi khra zla'i nyi shu drug la yum gyi lus sems bde ba'i nyams dang ldan par sku bltams te/ gog thub pa'i dus saM skr-i ta'i skad gsungs shing / rgya yig mang po bris nas bklags nas mi 'gom par bsubs pa dang / gzhon nu nyid nas klog yig bzo gso ba skad gnyis kyi rnam grangs la sogs