[A:173b]chags cung zad kyang mi 'dzin par sbyin gtong kho na la dgyes pa 'dra ba sku gshegs kar na bza' phrugs gcig las ma lus par grags so/ /khyad par chos kyi sbyin pa la mchog tu dgyes pas gang zhus de ma thag thugs nas gsung ba ma gtogs/ phyis bya gsung ba mi srid/ dus nam yang 'chad rtsod rtsom gsum kho nas dus 'da' bar mdzad do/ /shes rab phun sum tshogs pa ni/ gang gzigs pa thams cad kyi tshig don la chags thogs cung zad kyang mi mnga' bar so sor rtogs pa'i shes rab kyis legs par dpyad nas ma gtogs/ log rtog dang the tshom gyi dri ma cung zad kyang med par thugs su chud pas/ chos rje pas/ shes bya thams cad gzigs pa'i spyan yangs pa/ /zhes bstod pa mdzad cing 'jam dbyangs dngos su gzigs so/ /de ltar rang gis mkhyen cing gzigs pa thams cad gcung dang / chos rje pa dang / dga' ston sogs grags pa'i mtha' can rnams la sogs pa dngos kyi gdul