[A:165a] 'jam dpal gyi sprul pa mkhan po bsod nams rtse mo rdo rje theg pa mtha' dag gi dbang phyug dam pa sa skyar skyes so zer ba mkha' 'gros yi ge bris pa/ kau shambhi'i paNDi ta de wa ma tis mthong nas phyogs thams cad du bsgrags pa brgyud de bod nyid las rtsad chod do zhes bla ma rje btsun chen pos gsungs/ gnyis pa lung rtogs kyi yon tan ji ltar mnga' ba la bzhi/ dgung lo bcu bdun man chad kyi rnam par thar pa dang / nyi shu rtsa bdun yan chad kyi rnam par thar pa dang / nyer brgyad man chad kyi rnam par thar pa dang / khyad par du sa lam ji ltar brnyes pa'i tshul lo/ /dang po ni/ sngon gnas dran zhing byis pa'i spyod pa spangs/ /'dod lhas zhal bstan rgyud sde rgya mtsho yi/ /drang nges don la blo rgyas bcu bdun tshe/ /ganggA tshun chad yongs su grags la 'dud/ /ces pa ste/ rgya gar du mi thub zla ba la sogs pa'i paNDi ta bcu gcig tu