[A:164b]khyad par/ lung rtogs kyi yon tan ji ltar mnga' ba'o/ /dang po ni/ 'jam pa'i dbyangs kyang mi yi gzugs 'dzin pas/ /sna tshogs thabs kyis dus las mi yol bar/ /rnam mang 'gro ba'i mgon skyabs du ma mdzad/ /bla ma mchog khyod 'jig rten kun la brtse/ /khyod ni rdo rje gsum las bskyed gyur pas/ /legs byas bsod nams dpag med kyis 'phangs te/ /myang 'das rtse mor phyin pa'i dam pa mchog /rtsod med mkhas pa'i dbang por kun la grags/ /bkra shis dge mtshan dpal gyis mngon mtho ba/ /sa yi mchog gyur sa sogs dkar mdangs skya/ /cho 'brangs mchog gyur ma rig la 'khon te/ /spang bya'i g.yul las rgyal bar 'khrungs la 'dud/ /ces pa ste/ yab bla chen sa skya pa dgung lo lnga bcu rtsa gcig bzhes pa chu pho khyi'i lo la dpal ldan sa skya'i chu mig rdzing gar sku bltams pa yin no/ /de'i dus su rdo rje gdan gyi sgo'i ma them la/