[A:165b]brgyud nas skye ba bzhes te 'gro ba'i don mdzad pa dran zhing / yum las bltams ma thag saM skr-i ta'i skad gsungs pa dang / bdag ni byis pa'i spyod pa las 'das so zhes lan gnyis su sbrel nas gsungs shing / dus kun tu skyil mo krung bcas te bzhugs pas thams cad ya mtshan du gyur to/ dgung lo gsum bzhes pa'i tshe/ rje btsun 'jam pa'i dbyangs/ dpal kyai rdo rje/ rje btsun mi g.yo ba rnams kyis zhal dngos su gzigs shing / rgyud gsum/ bde mchog rtsa rgyud kun las btus dang lnga thugs la gsungs so/ /gnyis pa nyer bdun pa yan chad kyi rnam par thar pa ni/ bla chen 'dod lha kun la chos rnams nod/ /dbus gtsang mkhas rnams bsten nas sbyangs tshul bstan/ /bstan pa'i srog shing chen por rtsa bdun la/ /'dzam gling yongs su grags pa khyod la 'dud/ /ces pa ste/ thog mar yab la rdo rje theg pas bsdus pa'i rgyud 'grel/ sgrub dkyil/ dbang byin rlabs/