[A:164a]sku mched gnyis la rdzogs par gnang ba'i slob dpon rin po che bsod nams rtse mo'i rnam par thar pa mdo tsam bstan pa ni/ de yang rje btsun chen pos mdzad pa'i bstod pa gzhir byas te cung zad bshad na/ bstod pa 'di la gsum/ mchod par brjod pa/ bstod pa dngos/ mjug gi bya ba'o/ /dang po ni/ khyod ni dam pa rnams kyi rigs 'khrungs nas/ /'gro kun dga' ba'i dpal gyis nyer 'tsho ba/ /don gyi snying po rnam grol mchog brnyes pa'i/ /blo gros chen po bla ma'i zhabs la 'dud/ /ces pa ste/ bla ma chen po sa skya pa kun dga' snying po la bstod pa'o/ /gnyis pa bstod pa dngos la gnyis/ rnam thar gyi sgo nas rgyas par bstod pa dang / don bsdu ba'i sgo nas bsdus te bstod pa'o/ /dang po la gnyis/ rnam par thar pa spyir bstan tshul dang khyad par rje btsun rang nyid la bstan tshul lo/ /dang po la gnyis/ skye ba brnyes pa'i