[A:163b]snyan pa'i grags pa yang ding sang bod na dpal ldan birWa pa'i sprul pa zhig gis bstan pa rin po che la bya ba khyad par can byed do zhes rgya gar shar nub tshun chad du grags so/ /brgyud pa phyi ma rnams la phyag rjes kyi bka' drin yang bla ma 'di rang che bar mkhas pa rnams bzhed de/ de'i rgyu mtshan mal lo tsA ba nas/ rdo rje gdan gyi sgo srung bse 'bag nag po 'phur shes sogs dang / gnam kha'u pa la zhal bzhi pa legs par zhus te/ rjes 'jug rnams kyang chos skyong 'gran bral du kun gyis 'dzin pa 'di byung ba'i phyir ro/ /zhes gsungs pa ni shin tu 'thad par mthong ngo / /de lta bu'i bla ma des dgung lo nyi shu pa nas re bdun gyi bar zhe bdun gdan sa mdzad nas/ sa pho stag gi lo dbyug gu'i bcu bzhi la skya bo kha gdangs su ngo mtshar ba'i ltas dpag med dang bcas te zhi bar gshegs so/ /de lta bu'i bla chen de nyid kyis bstan srung dbang po rnams kyi chos skor mtha' dag rang gi sras rje btsun