[A:140a]skor lam nas phung po'i snod kyi rkyal pa kun gyis mthong bar yod do/ /bon nag re ba dzu gur gyi phung po chos khri thang mo che'i nub sgo'i 'khris kyi chu 'gram na mchod rten gyi 'og tu mnan pa mdzad pa yin pas/ 'di la ched gtad kyi skor ba mi bya zhing / gal te byed kyang mgon po'i rtsa sngags dang bzlog bsad kyi sngags rnams bzla zhing skor ba g.yon skor du bya ba yin par gsungs so/ /'dir skabs kyi sa chen gyi dngos slob khams pa rdor rgyal dang / bde gshegs khams pa rdor rgyal gnyis ming zur 'dra yang ngo bo mi gcig ste/ phag gru'i mtshan la rdo rje rgyal mtshan zhes bya zhing / 'di'i ming rdo rje rgyal po zhes zer ro/ /de lta bu'i sngags nag dang bon nag gi lo rgyus 'di rnams ni/ sa lo 'jam pa'i rdo rje'i gsung rgyun yin zhes sngags 'chang chos kyi rgyal po ngag dbang kun dga' rin chen gyis bka' phebs ji ltar gnang ba bzhin