[A:139b]phyis bstan pa'i nyi ma sngags 'chang chos kyi rgyal po ngag dbang kun dga' rin chen gyis kyang bse 'bag gi zhal gdong gi hoM khung kha phye ba mdzad nas mdze thod kyi nang gi snying la nyams pa'i dgra bo lha gnas gnyis sogs la dmigs pa'i dgug gzhug lha dbye bden brdar sogs mdzad pas/ dam nyams rnams gtan brlag tu thong ba 'di bzhin byung ba yin zhes bdag gi bla ma 'jam dbyangs sku mched kyi gsung las yang yang thos shing / da dung yang sa skya pa'i bstan pa gdung brgyud dang bcas pa la gnod pa'i bstan dgra mi srun pa rnams la shin tu myur ba'i las sbyor dgos pa byung tshe/ bsam pa rnam par dag pas kun nas bslangs te/ bla ma gong ma rnams kyi phyag len ltar bgyis na rtags mtshan 'byung ba la the tshom mi dgos snyam du kho bo sems so/ /sngags nag gi phung po byin sgo rum mgon khang gi them 'og tu bla chen nyid kyis mnan pa mdzad pa bzhin da lta yang dbu rtse'i