[A:140b]'jam dbyangs sku mched gnyis ka'i gsung las thos pa dang / lhag par 'jam dbyangs bsod nams dbang pos sa skya'i gnas bshad gsung rtsom gnang 'phro thor bur bzhugs pa rnams las ji ltar 'byung ba bzhin bkod pa yin la/ de ltar na dpal brtse ba chen po nas chos rje sa paN yan chad du sa skya pa ste/ shes ldan kun yid smon gyi gnas su gyur pa 'di yang rje btsun bla ma rnams kyi thugs rje las gzhan du ma 'das par shes par gyis shig 'dir smras pa/ 'jam dbyangs 'jig rten dbang phyug mthu stobs mgon/ /de rnams dbyer med gzugs gzhan zlos pa'i gar/ /sa skya'i bla chen kun dga' snying po yi/ /ngo mtshar