[A:139a]tshe 'dir tshe thung ba tsam gyis sdug bsngal zad par byas nas/ bla ma dang chos skyong gi nus pas skye ba phyi ma phan chad du yang dag pa'i bde ba'i 'bras bu thob par 'gyur ba yin pas na/ rang gzhan thams cad 'tshang ba yin no zhes gsungs shing / khams pa la bya dga' chen po gnang zhing / khyad par tshe gcig lus gcig la sangs rgya nges pa'i gdams pa'i nying khu rnams gnang ste/ rdor rgyal gyis kyang khams su phyin te bsgoms pas grub rtags phyogs med du ston pa'i rnal 'byor pa bar dor phyag chen mchog gi dngos grub 'thob nges pa zhig byung bar grags so/ /de nas bla chen gyis sngags nag gi snying phyung bar mdzad de hoM khung gi nang mdze thod kha sbyar gyi nang du bcug nas/ bse mgon chen po'i zhal gdong du 'jog par mdzad de/ mngon spyod kyi 'phrin las ci bsam 'grub pa'i bka' bsgo mdzad pa yin la/ dus