[A:136a]srung ba dang / chos min byed pa rnams tshar gcod pa'i las sgrub pa la nyin mtshan kun tu bya ra ba'i tshul gyis bzhugs pa yin no/ /gdan sa'i dus mdos chen mo'i skabs kyi 'cham mgon las mkhan lnga dang bcas pa'i 'khor gyi mi nag dung longs can gsum po de yang / mon chung pu tra rnams kyi mtshon byed yin zhes sngags 'chang chos kyi rgyal po'i gsung rgyun las 'byung ba bdag gi bla ma yab rje sbas pa'i sangs rgyas de nyid yang yang du gsungs pa thos so/ /de lta bu'i rnal 'byor gyi dbang phyug rje btsun brtse ba chen po kun dga' snying po de nyid kyi phyag tu bstan srung kun gyi gtso bo dpal mahA kA la'i sku brnyan bse mgon/ shin mgon/ rdo mgon te rnam pa gsum dang / chos kyi bka' babs gsum yongs su rdzogs pa babs pa nas/ dus ha cang mi ring ba zhig gi tshe/ chos skyong 'di'i sgo nas bstan dgra gdug pa can rnams drag po mngon spyod kyi las kyis