[A:135b]ma yin/ chos skyong gi las mkhan mthu rtsal can gcig yin/ de'i don gyis res mthong res mi mthong / phal cher mi mngon par skad thos shing yod pa go mod/ mthong dus las byed pas/ khong pa'ang brdungs pas lan pa yin gsungs/ phyug po pha bu gnyis kyis bla ma dang / mon chung pu tra la srog blus phul/ der bu rting ma ma shi'o/ /de ltar rje btsun chen po bzhugs pa'i bar man chad du mon pa'i gzugs res ston/ res mi ston pa'i res 'jog kho na byed pa byung zhing / de nas chos rje sa paN hor yul la 'byon khar mon pa de rnams 'das pa'i tshul gyis/ de phyin chad du gzugs mi mngon par gyur te/ gsang ba'i las mkhan chen po pu tra lcam sring gi las byed kyi pho nya'i kha lo pa byed pa'i tshul gyis dpal sa skya'i bstan pa bstan 'dzin dang bcas pa skyong zhing / gdan sa chen po 'dir chos bzhin byed pa rnams