[A:136b]tshar bcad de rnam shes chos dbyings su sgrol bar mdzad pa'i tshul yang / dus der bdud sprul sngags nag bla chen stag tsha dang / bon nag re ba dzu gur zhes bya ba gnyis kyis bstan 'dzin rnams la shin tu phrag dog pa'i sgo nas brtse ba chen po kun dga' snying po nyid la yang bar chad tho 'tshams byed snyam ste/ stag tsha'i slob ma khams kyi ldan ma nas 'ongs pa'i ming rdor rgyal zer ba gcig gser gyis bslad nas bla chen 'grong du btang pas/ khams pa des kyang khas blangs nas sa skyar 'ongs pa'i tshe/ brtse ba chen po kun dga' snying po de nyid sgo rum gzim spyil dkar por bzhugs yod pa la khams pa des mjal ga zhus pa na de 'phral sku zhogs su gnang ba'i tshe/ khams pa de na re/ bdag skye sa khams kyi ldan ma yin zhing / stod kyi phyogs su phyin nas lo du ma song / de nas bla chen khyed kyi snyan pa thos nas dad pa chen pos mjal du 'ongs pa lags/