[A:132b]gnas pa'i zangs mo che yang 'jog par mdzad pa na/ bla ma'i phyag rdzas rnams la las mkhan 'khor bcas shin tu mches pa'i rnam sprul ngo mtshar can du ma byung bas/ de'i gtang rag tu gsang ba'i las mkhan gnas pa'i zangs la mgon khang zur chod du mdzad nas/ spyan gzigs sogs rgyas par bshams te de'i gtor gzhi'i rgyun yang phyag mdzod rang nas gnang zhing / da lta yang nang so pu tra khang gi gtor gzhi rnams gdan sa mdzod chen gyis 'dzugs dgos pa'i rgyun 'di byung bar sems la/ mgon khang 'dir bzhugs pa'i pu tra chen po gnas pa'i rten zhal 'bag smug chung du grags pa 'di ni/ sngon slob dpon padma 'byung gnas kyis rgya gar dur khrod bsil ba'i tshal du srin po'i sha khrag gis bam ro'i sgrub pa mdzad pa'i tshe/ bar snang nas sprin nag rab tu g.yos te me drag tu 'bar ba dang bcas/ sprin gseb nas khrag gi thigs pa chen po gsum sa steng du babs pa na/ sa gzhi las kyang