[A:132a]shes gdan sa chen por spyan drangs te/ dus de nyid nas bzung bstan srung kun gyi gtso bo gur gyi mgon po lcam dral/ phyi nang gsang ba'i las mkhan yang bran dang bcas pa thams cad bod kyi rdo rje gdan dpal sa skya 'dir ji srid bstan pa gnas kyi bar du mngon sum gyi tshul du bzhugs par zhal gyis bzhes shing / bla chen gyis bka' bsgos pa thams cad bran bzhin du bsgrub par gyur pa de'i tshe/ sgo rum gzim spyil dkar po'i bla ma nyid kyi g.yos khang na chu ra'i zangs mo che ru long gi sgra chen po 'byin bzhin pa zhig yod pa de la/ gsang ba'i las mkhan chen po pu tra lcam sring rnams rgyun du 'khor zhing dgyes pa'i rnam 'gyur ci yang ston pa zhig byung ba las/ de rjes chos kyi rgyal po 'phags pa'i sku ring la bzhi thog bla brang gi lho phyogs bod chol kha gsum gyi yongs sdud rnams bsdu ba'i gnas phyag mdzod nang so chen mor grags pa der/ sngar gyi pu tra