[A:133a]rlung dmar drag tu langs shing g.yos par gyur te/ nam mkha' nas babs pa'i khrag thigs gsum po de/ srin po'i bam ro'i sha khrag rus gsum dang ro gcig tu 'dres pa la rgyu byas/ slob dpon rin po ches phyag bzo mdzad de/ deng sang bsam yas kyi spe dkar na yod pa'i zhal 'bag smug chung 'di dang / dpal sa skya'i nang so pu tra khang na bzhugs pa'i zhal 'bag smug chung 'di gnyis dus gcig tu grub cing / slob dpon gyis phyag nas mdzad pa na/ pu tra dmar nag gnyis ka sku 'bag so so la dngos su thim zhing / chos skyong so so dang byin rlabs nus pa mnyam par gyur pa las/ nam zhig dus la bab pa na/ rgya gar 'phags pa'i yul nas sku 'bag gnyis ka bar snang la 'phur te gshegs pa las/ bsam yas chos skyong chen po'i sku 'bag de nyid bha ta hor yul gyi sgom grwar bab pa las/ rgyal po khri srong lde'u btsan gyi sku ring la sgom grwa bcom nas dngos spyad rnams bsam