[A:131b]mtha' skor du khrab pa 'ga' zhig gis bskor nas byung ba/ skabs der sa skya rdzong chung na sngags 'chang gzungs kyi dpal ba bzhugs yod pas gzigs pa na/ pha gi rten 'brel bzang / lcags sder du snying bcug pa 'dra ba zhig 'dug ces gsungs shing / de nas sgo rum du 'cham mgon mjal bas/ bse 'bag gi zhal na snying rlon pa khrag dzar re ba zhig 'dug pa ta'i si tu bas mngon sum du mthong bas shin tu skrag cing dngangs nas ha las te phyi 'gros su byas pas gan rkyal du 'gyel zhing / de nas yun ma lon par si tu tshe'i dus byas pas/ sa skya pa'i chos skyong la sus kyang 'gran par mi nus pa'i snyan pa'i grags pas sa steng thams cad khyab par gyur to/ /de la sogs pa lo rgyus ngo mtshar can du ma snang yang / 'dir yi ges 'jigs pas re zhig de tsam mo/ /de ltar na mal lo tsA ba'i bka' bzhin bla ma chen po dgung lo nyer dgur phebs pa'i byi ba'i lo/ bse 'bag nag po 'phur