[A:120b]bzhugs dus kyi shangs mtshal sogs byin rlabs rten 'dzom pos rgya gar gyi lha bzo bas bris pa byin rlabs kyi rtags mtshan du ma dang ldan pa 'di ni/ kha che paN chen gyi phyag brgyud nas chos rje khu dbon gyi phyag tu bab pa bla ma dag bzhed do/ /drug pa de las snying por gyur pa'i lam srol ngos bzung ste bshad pa ni/ de ltar sa skya pa la gur gyi mgon po'i chos skor gyi bka' bab/ sa skya pa chen po la gsum dang / chos rje pa la gcig ste rnam pa bzhi bzhugs pa rnams kyi nang nas gtso bor gyur pa ni/ skad gnyis smra ba'i lo tsA ba chen po blo gros grags pa la/ rje btsun sa skya pa chen pos gsan pa'i skor rnams yin te/ thog mar brgyud pa'i khyad par yang / gzhan gsum la bka' ma'i brgyud pa tsam las med la/ srol 'di la slob dpon padma nas brgyud pa'i gter ma dang / shraddha nas brgyud pa dang / spyan chen po nas brgyud pa bka' ma ste/ brgyud pa'i bka' bab gsum