[A:121a]gyi steng du/ gyi ljang nas brgyud pa dang bzhi 'dus pa dang / bsgrub bya'i lha la'ang / gzhan gsum la pho rkyang las med pa las/ 'di pho rkyang mo rkyang sbags sgrub 'khor rkyang sogs mang bar bshad cing / sgrub byed man ngag kyang gzhan gsum la phyi sgrub rkyang pa yin la/ 'di la phyi nang gsang gsum gyi man ngag bsam gyis mi khyab pa snyan brgyud bzhi zam ma chad par bzhugs pa dang / 'di'i sgo nas mnga' ris stod du lo chen gyis bon po mang po la drag po'i las sbyor brtsams pa nas bzung / rje sa skya pa khu dbon/ a nyan dam pa nas brgyud de sa skya pa rnams kyis mngon spyod kyi las phal cher 'di la brten nas bsgrubs pas las sbyor gyi lag len ma nyams shing 'phrin las kyi nus mthu dang ldan pa/ rje sa chen yan chad du rjes gnang yang bse 'bag gi drung du min pa mi byed/ kyai rdo rje'i dbang gis ma smin pa la mi ster/ bka' shin tu dog cing thams