[A:120a]gsungs par grags/ gong gi lo rgyus las 'byung ba ltar/ brgyud pa 'di ba'i lugs kyi srol 'di la rjes gnang zur pa mi byed cing / bram ze chen po nas brgyud pa'i mgon po pho rkyang gi rjes gnang tshad ldan gcig thob na des go chod par 'dod pa yin no/ /ding sang kha cig 'di la rjes gnang zur ba byed cing / de nyid ches dkon pa'i zab gnad du byed pa'ang thos pas dpyad par bya'o/ /'di la dgongs nas rje tshar chen gyi mgon po'i chos skor gyi dri ba lhag bsam rab dkar las/ kha che paN chen shAka shis mgon po'i skor/ /su la gsan cing de nyid la brgyud pa'i/ /spu gri skor gsum ngos 'dzin ji ltar yin/ /lugs 'di'i rjes gnang chad dam da lta yod/ /ces gsungs pa'i dgongs pa'i don yang gsal bar byas pa yin la/ sa skya pa'i bris mgon du grags pa 'di ni/ bram ze mchog sred kyi spur ras la/ zhal