[A:12a]gzer ro/ /gsum pa la ngar gsum ste/ bsgom pa ting nge 'dzin gyi ngar/ bzlas pa sngags kyi ngar/ bsad pa rdzas kyi ngar ro/ /de ltar chos skyong gi man ngag zab mo rnams nyams su blangs pa la brten nas gnas skabs las bzhi'i dngos grub 'bad med du 'grub cing / mthar thug rdo rje 'dzin pa'i go 'phang tshe 'dir sgrub pa'i mchog kyang yin te/ khros rgyud le'u dang po las/ phyi nang gsang ba'i mgon po che/ /bde ba chen po'i rol pa yis/ /ye shes gsang ba bsam mi khyab/ /tshe 'di nyid du 'grub 'gyur zhes/ /bcom ldan rdo rje can gyis gsungs/ /zhes dang / ji srid las kyi sbyor ba yis/ /mgon po 'khor bcas mnyes gyur nas/ /las dang dngos grub sna tshogs pa/ /myur du 'grub par the tshom med/ /ces dang / le'u nyer lnga pa las/ he ru ka yi go 'phang gnas/ /'di la the