[A:11b]pa'i legs ldan dang / beng la sogs pa ste/ padma 'byung gnas dang / dhi paM ka ra dang / padma lcags kyu sogs nas brgyud pa'o/ /lnga pa ni/ nag po gcer bu'i rgyud dang / gsang ba thugs kyi dpe nag po sogs nas gsungs pa'i trag shad dang / stag zhon te/ slob dpon padma/ shintaM garbha/ ba ling ta a tsarYa sogs las brgyud pa'o/ /de ltar chos skyong de dag gi bsgrub tshul gyi don bsdus na gsum ste/ ma ltar du bsgrub pa bkra shis/ sring ltar du sgrub pa snying nye/ bran ltar du sgrub pa las myur ro/ /dang po la gnad gsum ste/ bca' ba rten gyi gnad/ bsgom pa lha'i gnad/ bzlas pa sngags kyi gnad do/ /gnyis pa la gzer gsum ste/ yid ches pa snying stobs bskyed pa'i gzer/ dam tshig bsrung ba 'khu ldog med pa'i gzer/ thams cad sems kyi rnam 'phrul du shes pa'i sgrub pa gnad du tshud pa'i