[A:12b]tshom mi bya ste/ /zhes sogs rgyas par gsungs so/ /gnyis pa bye brag tu nag po chen po 'di'i chos skor byung tshul la drug ste/ sngon byung gi lo rgyus/ rgyud nas bstan tshul/ 'phags yul rgya gar du bshad srol byung tshul/ bod kha ba can gyi yul du dar tshul/ khyad par rje btsun sa skya pa yab sras la bka' babs tshul/ de las snying por gyur pa'i lam srol nges bzung ste bshad pa'o/ /dang po la gsum ste/ mgon po'i lo rgyus/ lha mo'i lo rgyus/ las mkhan gyi lo rgyus so/ /dang po ni/ sngon de bzhin gshegs pa gtsug tor can gyi bstan pa la ri mo mkhan gyi rigs las byung ba'i dge slong bde ba'i 'khor lo zhes bya ba kha dog nag cing yid gtum pa bden pa bzhi'i bslab pa la gnas pa zhig de bzhin gshegs pa de'i nye 'khor du byung / de yang mngon par shes pa cung zad dang ldan pas bdag ni mngon par shes pa dang ldan pa'o snyam du