[A:11a] slob dpon rdo rje dril bu pa sogs las brgyud de/ bla ma tsa mi dang / dpal chen sga lo la sogs pas gangs can gyi ljongs su spyan drangs te dar zhing rgyas par mdzad do/ /gnyis pa ni/ spyan ras gzigs khros pa myur mdzad ye shes kyi mgon po phyag drug pa ste/ 'di ni mngon byung dang / khros rgyud le'u brgyad pa rnams las bstan cing / grub chen sa ra ha dang / sha wa ri ba/ rwa hu la/ gupta badzra/ mnga' bdag mai tri pa rnams las brgyud de/ bla ma shangs pa dhu gu pa zhes grags pa mkhas grub chen po khyung po rnal 'byor gyis bod yul du rgyas par mdzad do/ /gsum pa ni/ rnam snang chen po'i thugs kyi sprul pa rdo rje nag po chen po gur gyi mgon po ste/ 'di ni 'og tu rgyas par 'chad do/ /bzhi pa ni/ gtsug tor gdugs dkar gyi gzungs dang / mtshon bya mngon rol sogs nas bstan