[A:107a]par byung zhing / bod rbad bsad gsum zhang zhung gi skad du 'dug pa sogs la nges shes khyad par can skyes/ kha cig gter 'di dharmA pA la nyid kyis bsam yas su byon nas bton par yang bshad/ lha btsun byang chub 'od kyis bsam yas nas thon pa'i sgrub skor rnams bla ma brag steng pa yon tan tshul khrims la gnang bar grags so/ /lo tsA ba rin chen bzang po la/ slob ma mnga' ris stod kyi bu bzhi/ ka bzhi gdung brgyad la sogs pa bsam gyis mi khyab pa byung ba rnams kyi nang nas/ nag po chen po 'di'i chos skor rnams khong rang gi nye gnas gu rub rin chen bsod nams sam brag steng pa yon tan tshul khrims su grags pa nyid la gnang ba yin te/ bla ma brag steng nyid kyis lo tsA ba chen po la spyir yo ga la sogs pa'i zab pa dang rgya che ba'i gdams pa dpag tu med pa gsan/ khyad par 'od zer can gyi pra brtag pa/ nor rgyun ma'i sgrub thabs/