[A:106b] mkhan po bo dhi sa twa/ slob dpon bi ma la mi tra/ rgya nag gi ha shang mahA ya na/ blon po bran ga dpal seng la sogs pa bka' bgros te/ ma 'ongs pa na bstan pa bsrung ba'i mtshon char bse sgrom smug po'i nang du bcug nas smon lam bka' rgya dang bcas pa bsam yas kyi ka ba'i 'og tu gter du sbas/ pu tra ming sring bsam yas kyi skor srung du bskos pas/ dus phyis las 'phro dang skal bar ldan pa bka' rtags 'dzin pa'i rgyal rigs su sku 'khrungs pa lha btsun byang chub 'od kyis khro bo'i don du dbus gtsang na mar gser slong la byon pa'i dus/ gter gyi kha byang phyag tu byung bas/ dkon mchog dang srung ma la mchod gtor chen po phul zhing gsol ba btab nas btsal bas/ pu tra'i sgrub thabs ka khol mar grags pa 'di gter nas thon/ lo tsA ba chen po rin chen bzang po la gzigs phul bas mnyes nas gzhan la mi spel bar gdams/ phyis dharmA pA la la zhus pa dang mthun