[A:107b] rkang mgyogs/ skye ba brtag pa sogs ches zab pa'i gdams pa mang po dang / bye brag tu nag po chen po 'di nyid kyi rjes gnang man ngag mtha' dag yongs su rdzogs pa/ sku gsung thugs kyi rten rnams dang bcas pa gnang bas 'di nyid kyi bka' bab chos skyong gi zhal mngon sum du gzigs shing / gang bsgo ba de thogs med du 'grub pas mthu stobs nus pa phul du phyin par gyur/ chos skyong gi 'cham sku yang der rgyun ring du bzhugs pas/ ding sang kyang mnga' ris brag steng na 'cham sku bzhugs dus kyi khri stegs la sogs pa'ang yod skad/ bla ma brag steng pas chos skyong 'di'i chos skor rnams bla ma mal lo tsA ba dang / 'bro jo sras zhang dge gnyis la gnang ste/ jo sras la ni rkang mgyogs la sogs pa du ma yang gnang gsungs so/ /kha cig bla ma brag steng pa dang / gu rub rin chen bsod nams gnyis mi gcig par 'dod pa yod kyang / de