[A:102b]rnams byung bar ma bshad pas/ mgon khang yang ji ltar 'byung soms shig ces gsungs so/ /de ltar lo rgyus mi 'dra ba gnyis las/ snga ma nyid tshad mar byed na sangs rgyas zhal bzhugs dus rdo rje gdan gyi gtsug lag khang sogs ma byung bar bshad pa de la/ lung rigs rnam dag gi 'gal spong zhig dgos par snang zhing / lo rgyus phyi ma nyid 'thad pa ltar na slob dpon bsod nams rtse mo dang / rgyal tsha lung mang po'i gsung gi yi ge las/ bstan pa'i rtsa lag srog shing dam pa dpal rdo rje gdan gyi srung mar thub pas bse las byas pa'i 'cham sku la sogs sku gsung thugs kyi rten mgon khang dang bcas pa la rab tu gnas pa mdzad ces gsal bar gsungs pa de nyid/ bar skabs su yi ge pas skyon byung bar 'dod dgos pa las gzhan du ma 'das kyang / 'on kyang kho bo cag ni snyan brgyud kyi lo rgyus mi 'dra ba de gnyis ka 'gal med du khas blang ba la/